Kven er vi?
Fjell Brass høyrer heime i Øygarden kommune og vart stifta i 2006 som eit satsingskorps i dåverande Fjell kommune. Vi er ca. 25 medlemmar i alderen 15-72 år.
Vi satsar på ungdommen
Fjell Brass satsar på talentutvikling og ynskjer å vere ein inspirator for den yngre garde. Difor har vi ekstra fokus på å løfte fram unge musikantar og tilbyr bl.a. halv pris på kontingent for studentar og medlemmar i skulekorps.
God åleine - best saman
I Fjell Brass meiner vi at eit godt sosialt fellesskap også styrker det musikalske.
Aktivitetar
Vi deltek i konkurransar som Siddis og NM brass og arrangerer ulike konsertar i lokalmiljøet, blant anna samspel-seminar og temakonsertar saman med dei lokale skulekorpsa.
Nyttårskonsert
Dei siste åra har vi arrangert ein årleg nyttårskonsert med internasjonale stjernesolistar som Richard Marshall, Tom Hutchinson og Gary Curtin.
Musikalsk utvikling
Fjell Brass har hatt ei god musikalsk utvikling dei siste åra, frå siger i 3. divisjon NM brass 2018 til opprykk til 1. divisjon NM 2023.
Fjell Brass jobbar etter mottoet «Musikk, moro, mangfald!»
MUSIKK
Musikken, musikalsk utvikling og musikalsk kvalitet skal alltid stå i sentrum.
MORO
Vi skal ha det kjekt med hobbyen vår og saman med kvarandre.
MANGFALD
Vi skal ha variasjon og mangfald både i type konsertar og i medlemsmassen.
